ഇന്ധനവില വർധന: ഡിവൈഎഫ്ഐ പ്രവർത്തകർ പ്രധാനമന്ത്രിയുടെ കോലം കത്തിച്ച് പ്രതിഷേധം

ഇന്ധന വില വർധനയിൽ പ്രതിഷേധിച്ച് ഡിവൈഎഫ്ഐ പ്രവർത്തകർ പ്രധാനമന്ത്രിയുടെ കോലം കത്തിച്ച് പ്രതിഷേധിച്ചു. ഡിവൈഎഫ്ഐ ഓഫീസിന് മുന്നിൽ വച്ച് നടന്ന പ്രതിഷേധം സംസ്ഥാന സെക്രട്ടറി എ എ റഹീം ഉദ്ഘാടനം ചെയ്തു. കേന്ദ്ര സർക്കാരിന്റെ നയങ്ങൾ ജനങ്ങളോടുളള വഞ്ചനയാണെന്നും ഇന്ധനവില നിശ്ചയിക്കുന്നത് കോർപ്പറേറ്റുകളാണെന്നും ഡിവൈഎഫ്ഐ സംസ്ഥാന ട്രഷറർ എസ് കെ സജീഷ് പറഞ്ഞു.

അതേസമയം , രാജ്യത്തെ ഇന്ധനവില ദിനംപ്രതി കുതിച്ചുയരുകയാണ് . ഇന്ന് സംസ്ഥാനത്ത് പെട്രോളിലും ഡീസലിനും 28 പൈസ വര്‍ധിച്ചതോടെ ആദ്യമായി പെട്രോള്‍ വില നൂറ് കടന്നു. 37 ദിവസത്തിനിടെ ഇത് 21-ാം തവണയാണ് രാജ്യത്ത് ഇന്ധനവില വര്‍ധിക്കുന്നത്.